Main

2014年8月27日星期三

扶貧

政府有需要扶貧,但方法用錯左,好心做壞事,咁樣唔改正只會愈扶愈貧,加重中產經濟負擔,係政府無其他收入來源既情況,錢何來?即係納稅人身上,政府為左討好唔工作既人,就用銀彈政策,就好似一次性派錢比市民,好多人係羅來去消費去旅行,浪費納稅人既血汗錢,d錢用來改革醫療教育其他制度仲好,香港系統好多都有漏病,但從來無人正視過,覺得呢屆政府有心做事既唔多,我最想高局長做特首,至少佢係做實事既人,政府唔係唔可以派錢,但要衡量收入開支比例,今次派錢如果係一次性方案,唔係經常性都ok,但睇情況應該會一年比一年多,因為愈來愈多所謂基層來香港又唔做工作.

最簡單,香港現在要開源節流,開源就係要增加收入,首先可以增加煙酒稅呢d對民生唔太影響既稅項,但年收入幾多唔知,仲有可以開設離境入境稅,假設每個人出入境收一蚊,來回2蚊,假設每年有3百萬人出入境,年收入6百萬,實際唔只呢條數,香港政府可以重新設計稅基,將入息稅再細分幾個級別,令到收入係10萬以上既人交多d稅,交多d稅既人政府會係其他地方優惠佢地,例如好似銀行儲積分,交得稅愈多,分愈多,可以用分去使用政府某d服務,係間接令收入高既人交稅後在生活上有少既資助,係實施呢d政策後如果仲唔夠,最後先考慮資產增值稅,存款稅,股息稅,物業稅,係每年收一次

但呢d都係好被動做法,最積極係呢d稅制未出現前令情況改善,等人人唔靠政府,咁樣先係終極做法,我主張首先要幫助在職貧窮個d人,因為佢地自力更新,唔想政府幫,但收入太低不能維持生計,但要知道呢d人口佔香港幾多,第二要幫個d長期病患同行動不便既人,第三,個d唔工作既大懶蟲要政府幫,首先政府可以派錢比佢地,但如果佢地係某時間都唔搵工就要停止派錢,若果係搵唔到工,政府可以安排佢地上堂,等佢地搵到工作,先慢慢還學費,咁樣可以鼓勵更多人學習讀書,唔好話無錢無書讀,政府可以借錢比佢地,等佢地有工資先還,如果政府不斷接收新移民,會超出香港承受能力,香港人內地所生既超齡子女,好聽話家庭團聚,但呢個係一個連鎖反應,會將好多無經濟能力工作能力既人帶來香港,增加香港經濟負擔,所以入境處要強調香港人內地所生既超齡子女,佢地如果係內地有家庭,就算成為新香港人,佢既內地親人係唔可以成為香港人,除非佢地本身能夠證明佢地有足夠經濟能力在香港生活,我係唔反對個d透過投資移民既內地人,因為佢地有錢,會係香港消費帶動經濟,雖然物價會比提高,但呢樣只係反映香港產業單一化,得地產金融,無錢既內地人,直系親戚唔可以來,要加經濟條件,唔係咁香港只會成為貧窮人趨之若鶩既社福天堂。

移民來香港無錢一定要工作,無工做可以上課程進修,有錢可以係香港投資創造就業機會,香港政府要好好把關杜絕大食懶,希望係政府未開設新稅基前能夠將貧窮人口減少,第一步扶貧是正確,但唔可以無止境扶,第二階段是由扶貧到自力更新,第三貢獻社會,創造就業機會,帶動香港經濟,特首衣家係慷納稅人之慨,好心做壞事,攤大手板係永遠脫唔到貧,只會跨代貧窮,要減少貧窮人口,政府一定要增加產業多元化,優化香港投資環境,加上窮人太多會造成好多社會問題,但窮唔係大晒,政府無義務幫市民,最好教導市民個個自力更新,除非去到行動不便時先需要政府幫,這樣可以幫政府慳錢,去優化各樣系統,醫療,教育,人口,房屋。但如果經常性開支大過每年經濟增長,咁儲備很快用完,香港就要步西方國家後塵,負債係gdp既幾倍甚至幾10倍,到時年年赤字,攪到民不聊生,物價高漲,到時要推動緊縮政策就太遲了,大陸也有藉口將香港行政區變成香港市,就是因為它覺得一國兩際是行不通,經濟大衰退。。。。如果不想香港成為香港市,現在就要上下一心減少貧窮人口

沒有留言: