Main

2014年8月28日星期四

資產審查

講真,好多人話無錢,唔資產審查,點知佢地有無將資產轉移?唔通有幾10億又要問政府羅?好多大陸有物業,錢放係親戚到扮窮,雖然唔係個個係咁,但政府一定要為市民把關,唔可以咩人都話每月資助幾千,我地辛辛苦苦做野要慳住用,呢d話自己係貧窮線之下生活既人就話仔女要補英文,以前大陸經濟未起飛,香港物價低個時,的確生幾個都可以養得掂,但個陣d小朋友唔會好似衣家個d話咩都想要,以前係會自己做兼識幫補屋企家計,好生性,人既質素都差左,大人又唔諗下唔考慮經濟環境生2個,唔好話1萬3,以衣家香港物價,5萬養一個人都幾免強,自己交稅,又要養父母,老婆工作又要養佢既父母,自己又要讀書增值,同埋其他開支,如果又一定要去旅行,都無錢剩,所以香港人現在唔敢生育都係社會環境唔容許生,生個d係想加重政府包袱,多一個人自己照顧自己唔靠政府,政府每年係社福開支可以減少,之前出賣港人既法官判左新移民來港未夠一年可以申請綜援更加助長不嗜生產既人,政府要開源節流,而唔係開大水喉,開源又無方法爭係加大社福,社福界既人唔可以為左自己名利而出賣港人,損害長遠香港經濟發展,日後教科書會寫,"香港經濟衰落主要原因是過度加大社福開支,社福界人士又火上加油,是好心幫新移民或者所謂低收入人仕謀取福利,而長遠損害香港多年建立的經濟基礎,是香港經濟末落的罪魁禍首,這也是令負債在短短幾年時間超越國內生產總值,讓香港步歐美先進國家的後塵,也是當年特區政府沒有聽取民意,一意孤行,沒有集思廣益解決經濟民生的最終結果,xxx和xxx是始作俑者,其後香港要經過多年經濟才慢慢由衰退復甦過來,但過程也相當艱苦,像當年歐債危機一樣,香港物價更一度升至有歷史以來高位,一人民幣對十港紙,成為很多港人茶餘飯後的話題,生活苦不磡言。。。。"

我只係想講,每個人既生活圈子唔同,我身邊識既朋友最低人工都係4萬幾,有學者,有靠做生意,有靠打工加上投資,讀書個d佢地一畢業人工就已經3萬幾,之後佢地就再讀多幾個博士,又做研究,雖然唔可以講高人工,但最低唔會低過3萬,做生意有白手興家,佢地都係食腦一族,第一份工做左幾年已經搵到上岸自己攪生意,打工個d都係人工唔多,加上慢慢投資,平均每個月都4-5萬收入,額外收入比正職多,但正職係有保障,所以我知道社會一定有窮人,有好有錢既人,但比上不足,比下有餘,如其係度嫌人工低,不如去讀多幾個博士,讀下d專業冷門課程,冷門課程競爭無咁大,學下投資,投資係愈早愈好,就算回報低,只要開始早到退休生活唔會成問題,至於創業除左有資金仲要有腦攪咩生意,我做生意既朋友都係搵到第一桶金先做生意,因為唔係個個都適合做個d一日8個鐘既工作,有d鐘意自己做咩就做咩

如果你都唔係呢3種人,咁就要讀書讀到有一定程度去大公司又要識多國語言,有幾樣技能,咁樣搵到2-3萬係唔難,好多外資公司係年年加人工,公司唔加人工只係佢地問題,我識好多係外資公司做野既朋友金融海嘯個陣都有人工加,呢樣要睇你做咩行業。所以有5萬收入既家庭係唔多,但至少我身邊識得有5萬既家庭係大多數,不過社會一定有人搵幾千,一萬幾,10萬,係無得比較,自己下左咩苦工,就會有咩果,同埋現在多左互聯網,你有技能,其實一個月搵多幾千唔係難事,每個月幾千,日積月累,再靠投資咁就愈儲愈多,我都唔係以上3種人,都係打工仔加慢慢投資,日積月累你就會發覺你投資既回報會開始同等你人工,或者多過人工,但如果咩都唔做,爭係做月光族,成日去旅行花費,永遠只有仇恨有錢人,好多有錢人都唔係出世就有錢,除左係大家族出世個d。我只係講事實,你身邊唔識收入高既家庭唔代表其他人無,呢個世界何奇大,自己唔知未見過唔代表無,香港都有好多人搵幾千,只係我無親眼見過唔代表無,同有錢人一樣你未見過唔代表無。係你係咩生活圈子就見到咩人同咩事,即係話我朋友10個,10個都5萬收入以上,唔代表香港有好多有錢人,只係我身邊少低收入人士,同樣道理,有錢個班人都可以講,一餐飯幾千元咁平,只係人工既1/100,但幾千對窮人可能可以生活幾個月時間,眼光要睇遠d

沒有留言: