Main

2014年8月27日星期三

派錢是原罪?

香港政府扶貧如果無準則,又放寬要求,只會人愈扶愈貧,開支愈來愈大,其實係好簡單既數學問題,即係當你月入1萬,但個個月都洗突左,即係無錢剩,咁一定係負債累累,就好似寫文章要有大綱,首先要知道政府要係邊d方面改善,唔係頭痛醫頭,腳痛醫腳,衣家派錢比基層就係好似睇醫生但醫生原來唔知病人咩事,係藥唔到位,好似有個病人原來係肝有問題,令到佢胃部不適,醫生就當胃病醫,情況就係似唔教基層脫貧,年年派錢比佢地,派得一次就有下次,佢地唔會上進,唔工作,最後由納稅人賣單,香港經濟增長估計有限,因為單一產業,長遠要教導改善社會風氣,政府係要用錢,就咩階層都唔好派。用來改善不同系統,最急切就係醫療服務,因為人口老化問題日趨嚴重,輸入外勞如果唔係某些人唔工作,僱主無藉口輸入外勞。其次係教育,只有教育才可以長遠帶動經濟增長,但政府呢方面做成點有目共睹。

以前3萬同現在3萬係兩回事,現在香港物價高,租金高,人工貴(相對其他國家),但就香港而論,物價太高,相對人工就唔見洗,政府可以考慮除左同美元聯匯,也將人民幣加進去,短期係美國退市又未完全復甦,人民幣都會維持高位,但係美國經濟復甦後,人民幣會貶值,但呢幾年經濟都唔會有好表現,假設美國5年內經濟未復甦,人民幣會升20-30%,即係港元兌人仔差不多0.6,咁會加重市民生活負擔,財爺話唔加稅同加新稅基下派錢比基層,真係唔知道點攪,思歪佢應該明白要攪好經濟,其他範疇就好辦,經濟增長低情況下要增大開支令人擔心,中產樣樣靠自己又要交稅,交租,照顧父母子女,供書教學,又有醫療負擔,但政府沒有太大支援,當然中產唔似基層有咩事就示威又發脾四叫政府幫,中產唔掂都係自己搵辦法,呢d先係香港應有核心價值,現在中產以前都係基層,佢地都係靠自己一步一步儲存財富,基層要知道香港核心價值而唔係嚮往福利民綷主義,外國太多失敗例子,希望所有以香港為根既人同埋佢地下一代能夠學習香港核心價值,香港呢幾年既優勢同其他國家都開始收窄。再唔悍衛香港核心價值好快就會變成無動力既城市。

僱員再培訓計劃,鼓勵市民進修轉型總比直接比錢扶貧好,我覺得政府可以資助想進修既人,佢地無錢比,可以記住數,等佢地搵到工再慢慢還,咁比唔工作好,多一個人工作就少一個所謂貧人要幫,而且有部份月入低既人又不衡量自己經濟能力生孩子,呢d政府都唔應該幫,個個都咁又係變成助長福利社會,雖則生育有助減少人口老化比例,但政府儲備沒可能個個都幫,這樣係惡性循環

香港來講窮人比例相對有錢人係多,係普遍來講,咁cy唔會咁笨幫有錢人,得罪窮人,衣家d人一有野就係咁問政府,政府唔係欠我地咩,其實我覺得派錢比窮人係短暫,以前社會好多人都好窮,個個都係靠自己,邊有衣家咁多支援,有時係政府對市民太好,市民唔長進,其實社會個餅係應該由市場主導,好似動物大自然界都係物競天擇,弱者比強者食,被強者欺負,呢個都係大自然定律,係地球未有人類前,生態都未出現變化,但人類出現又要食好多肉,殺害其他動物,呢樣都係強者欺負弱者,就好似貧富縣殊問題,如果無錢既人就要努力改變生活,窮本身係一個動力令自己去工作,我認識有d窮人一日做幾份part time,唔靠政府,但當然我贊成係去幫長期病患同埋無工作能力既人(手腳郁唔到個d),但如果仲有思考都可以工作,香港衣家好多社會問題係因為香港既核心價值慢慢轉變緊,原因好多,香港人被新移民混合左,香港政府要做係暫時扶貧,長遠要從教育入手,教年青一代去勤奮向上,無論遇到幾大困難,都唔可以問政府幫忙

cy今次係得罪左中產,中產要交稅,遲d可能又要加咩資產增值稅,即係要剝削勤勞工作既人既成果去幫唔做野既窮人,如果cy咁做已經係將社會扭曲左,有d共產意味,同埋當個個都努力個陣,社會整體財富會更大,但相反工作既人比唔工作既人少,儲備好快用完,負債累累,雷sir都講香港唔洗好耐就出現經常性赤字,就係開支遠超過收入,社會要幫中產應該係從醫療同教育入手,人口老化問題最快5年就會開始,繼而增加醫務人員工作量,政府派錢比窮人不如將錢投資係醫療同培訓醫務人員,另外輸入外勞,就會造成更多本地人失業,呢班人如果又唔去讀書增值,又增加左扶貧既開支,香港經濟點轉型,總會有一班靠體力勞力既人,但比例會隨著社會基建加快而減少,政府請外勞一來減輕僱主負擔,但政府要有適當配套教育去幫因輸入外勞而失業呢班人,開辦課程等佢地可以轉型,但真係呢班工人唔肯轉型,咁可能到無基建時就會失業,香港本身資源有限,靠賣地都唔可能長期有收入,香港咁多年都無心攪高增值生物科技。

窮人係要幫,但比例唔可以太多,社會資源有限,不可能滿足所有人,只要政府教導窮人去創造財富,窮人就會少一個,社會富裕人多左,對社會政府怨氣都少d

沒有留言: